Especialidades

Coidamos de ti, en cada etapa da túa vida

Na nosa clínica contamos cun equipo médico multidisciplinar que ofrece unha atención próxima, profesional e adaptada a cada paciente. Traballamos con cita previa para garantir o tempo e a dedicación que cada consulta necesita, abarcando distintas especialidades para proporcionarte unha atención integral.

As nosas especialidades

Atención médica primaria para persoas de todas as idades. Ofrecemos unha valoración inicial de síntomas, diagnóstico, prescrición de tratamentos, seguimento de enfermidades crónicas e orientación sanitaria xeral. É o primeiro punto de contacto para calquera necesidade médica cotiá.

Prestamos servizos de curas, administración de inxectables, control de constantes vitais, extracción de mostras e seguimento de tratamentos. Atención rápida, eficaz e personalizada.

Realizamos radiografías dixitais con equipos modernos, o que permite unha mellor visualización e diagnóstico máis preciso de diversas patoloxías, especialmente traumatolóxicas e torácicas.

Revisións periódicas, limpezas dentais, tratamentos de caries, extraccións e orientación sobre saúde bucodental. Tratamentos para todas as idades.

Revisión integral da saúde visual e ocular. Ideal tanto para pacientes con molestias como para os que necesitan certificados ou informes médicos.

Estudo, prevención e tratamento de afeccións do pé. Coidamos a túa pisada, a túa hixiene podal e a túa mobilidade.

Es peregrino do Camiño de Santiago?

Coidámoste no teu camiño, sen perder o ritmo

Caminar o Camiño de Santiago é unha experiencia única… pero tamén pode vir acompañada de molestias físicas, caídas, bochas ou problemas de saúde inesperados. En Clínica Saúde Sarria, situada no pleno centro da vila e a só uns pasos do Camiño, ofrecémosche unha atención médica rápida, próxima e adaptada ás túas necesidades como peregrino.

Sabemos que cada minuto conta cando estás de paso. Por iso, priorizamos as citas para peregrinos e tratamos de ofrecerche unha solución o mesmo día, sen demoras nin desprazamentos innecesarios.

Que podemos facer por ti?

Curas de bochas, feridas, rozaduras ou infeccións
Atención a escordaduras, contracturas ou dores articulares
Control de febre, síntomas respiratorios ou problemas dixestivos
Emisión de receitas médicas ou informes se necesitas continuar o teu tratamento
Derivación a outros especialistas se fose necesario

Atención especializada á muller en todas as etapas da súa vida. Desde controis rutineiros ata planificación familiar ou seguimento do embarazo.

Diagnóstico e tratamento de lesións óseas e musculares. Valoramos molestias articulares, dores de costas, escordaduras e máis.

Control do crecemento, vacinas, enfermidades frecuentes e todo o relacionado coa saúde infantil e adolescente.

Realizamos probas analíticas adaptadas a cada caso: análises xerais, perfís hormonais, intolerancias, alerxias, estudos xenéticos e máis.

Realizamos recoñecementos oficiais para conducir, armas, seguridade privada e máis. Todo nun mesmo lugar, sen desprazamentos.

Recoñecementos psicotécnicos oficiais

Tramitación completa e sen desprazamentos

Realizamos o recoñecemento e xestionamos todo o trámite por ti.

Non necesitas acudir a Tráfico nin facer xestións externas.

Rápido, cómodo e no mesmo día.